...Hvítu vinir það er komið vor

Nú er kominn apríl. Það er 2. apríl í dag, það þýðir að ég á afmæli eftir bara 10 daga(ji minn hvað árið var fljótt að líða), það þýðir líka að ég fæ að faðma mömmsuna mína eftir 9 daga. Það þýðir einnig að það er komið vor.  Vorið er komið, það eru komnar hérna fínustu hvítar anímónur hér í nágrenni skólans.
Það er hinnsvegar matsatriði hvort það er vor eða sumar. Mér finnst vera hásumar. Það hefur ekki rignt hér í óratíma og núna síðustu vikuna er búið að vera 15 stiga hiti og glampandi sól, sko alveg hægt að vera berfættur úti á bolnum á ströndinni. Það er einmitt það sem ég gerði á laugardaginn. Ég hékk úti á bekk við ströndina, hlustaði á mávana og kvak í einstaka önd sem synti framhjá, hlustaði á sjóinn, sleikti sólina og las DaVinci lykilinn. Ég hef orðið fyrir smá vonbrigðum, ég hélt að það yrði erfitt að lesa viðamikla bók eins og Da Vinci lykilinn á dönsku, en það er bara ekkert erfitt. Frönsku setningarnar inn á milli eru heldur ekki svo erfiðar að skilja. Ég er hinnsvegar mun lengur að lesa eina síðu á dönsku en á íslensku eða ensku.
Ég gerði líka eitt annað á laugardaginn. Gitte var vaktkennari og hún stakk upp á því að við life expander stelpurnar mundum breyta til í stofunni með hliðsjón af Feng Shui. Jú við gerðum það. Við umturnuðum ÖLLU. Stofan er núna öll breytt og allir eru sáttir. Við höfðum hinnsvegar ekki fengið leyfi frá Torben fyrir þessum breytingum. Hann er búinn að vera á Ítalíu síðan í síðustu viku. Gitte var samt búin að spyrja okkur hvort við værum til í að breyta í stofunni fyrir 2 vikum. Hún bara ákvað að vera ekkert að segja Torben frá þessum ráðagerðum. Torben kom heim í gærkvöldi. Það gerðist svo í morgun að við sátum að borða morgunmat þegar Torben gengur inn. Hann leit út fyrir að vera  hissa eða ringlaður þegar hann kom inn í borðstofuna úr stofunni. Hann kom að borðinu þar sem ég sat með Guðrúnu, Camillu og nokkrum Dönum. Hann spurði svo:"Hvað hefur komið fyrir öll húsgögnin í stofunni?" Við fórum að hlægja. Danirnir bentu á okkur(Mig, Guðrúnu og Camillu) og sögðu"Spurðu þær" Við játuðum á okkur glæpinn. Torben fannst þetta bara fínt, hann á samt eftir að sjá listan sem við gerðum yfir hluti sem okkur finnst vanta og þurfi að kaupa. Sjáum til.

Annars er ekkert merkilegt búið að gerast hér. Guðrún er búin að uppgötva það að ég neita ekki tilboðum um ís. Henni finnst ís svo góður. Og hún hefur núna tvisvar dregið mig með sér í ísbúð.  Ég sat með Guðrúnu í media herberginu. Hún var búin að sannfæra mig um að koma með henni, Berglindi og Camillu í ísbúðina. Berglind og Camilla voru með bílinn hans Torben í láni vegna verkefnis sem þær voru að vinna, þær ætluðu síðan að koma að sækja okkur og fara í ísbúðina, en síðan hringdu þær og sögðu að það mundi ekki vera nægur tími til að koma að sækja okkur því þær þyrftu að skila bílnum. Þarna sátum við spældar yfir því að fá ekki ís. Við nenntum ekki að ganga yfir brúna því höfðum gert það fyrr um daginn. Allt sem við höfðum sagt þarna var á íslensku, Joan media kennarinn sat á öðru borði rétt hjá okkur. Ég hafði sagt eitthvað um það að mig langaði í ís, því það væri svo gott veður, en ég nennti að ganga yfir brúna. Við höfðum þá rætt hvort við ættum að nenna í ísbúðarferð. Joan kom þá að borðinu og sagði við mig á dönsku" ef þú villt ís, þá verðurðu að ganga yfir brúna" Ég gapti, hvernig vissi hún hvað við vorum að tala um. Venjulega skilja danir ekki orð í íslensku. Það er semsagt komið í ljós að Joan skilur helling í íslensku því hún bjó á Íslandi í eitt ár. Lítill heimur sem við búum í.

Það truflar mig að hafa ekki myndavél til að taka myndir. Það er búið að vera svo extra fallegt hér í öllu sólskininu. En ég er með síðustu myndirnar sem ég tók, og ég er búin að setja þær inn í albúm hér. Og síðan fallegu brúar myndirnar mínar sem John vildi kaupa af mér þegar hann prentaði þær út fyrir mig.

Athugasemdir

[Jóhanna (IP-tala skráð) 4.4.2007 kl. 09:22]

Hæ, Úlfhildur.

Nú er ég í Danmörku kom s.l. mánudag, mér finnst mú frekar kald, en það var heitt daginn sem ég kom ég fer aftur heim 12 apríl er það ekki þinn afmælisdagur, allavega til hamingju með daginn er mig minnir rétt þá verður þú 19 ára, gangi þér allt í haginn.

bestu kveðjur frá  Arhus

Jóhanna frænka þín.