tilkynning!

Örvæntið ekki, Íma og aðrir sem bíða spenntir, færeyska bloggið kemur á morgun föstudaginn 3. ágúst á milli klukkan 4 og 6 að færeyskum tíma. Ég er bara búin að vera heima í dag, vegna sárra túrverkja, gat ekki hreyft legg né lið í morgun, og ég er búin að vinna smá í færeysku bloggi. Nýja íslensk-færeyska orðabókin, er frekar gamaldags, hún er góð en gamaldags. Höfundurinn skrifar t.d. verslun ennþá með z. Mér finnst að orðabók sem gefin er út á þessari öld eigi ekki að vera með z-um. Síðan eru líka hin og þessi skrítin gömul íslensk orð sem ég man ekki eftir að hafa nokkurntíma heyrt neinn mann nota. Bókin segir að orðið "klósett" sé vont eða ljótt mál. Maður heyrir fólk sjaldan tala um "vatnssalerni" eða "salerni"

Athugasemdir

[Bergþóra Jónsdóttir, 2.8.2007 kl. 20:05]

Sjálfrennireið er auðvitað besta orðið yfir bíl, og fer mjög vel í munni að tala um þriggja sjálfrennireiða árekstur, og sjúkrasjálfrenireið og leigusjálfrennireið.  Ekki vera pirruð á bullinu, málið er rétt eins og hver og einn talar það þá stundina.

knús,

mamms, bíð spennt eftir því færeyska

[björg (IP-tala skráð) 2.8.2007 kl. 21:30]

Sæl Úlfhildur! Ég rakst á bloggið þitt fyrir tilviljun og sá að þú hafðir verið í lýðháskólanum í Snoghoj. Ég er að fara þangað eftir 2 vikur og var að spá hvort þú gætir nokkuð gefið mér smá upplýsingar um dvölina þína þar :)
Kveðja,
Björg Vigfúsdóttir
[e-mail]

[ímsí (IP-tala skráð) 3.8.2007 kl. 03:07]

Jibbí, ég bíð spennt : ) Ég veit að Beggu finnst orðið sætabrauð líka skemmtilegt. Hvaða orð önnur voru það Begga sem mér fannst lummó árið 1983? Æ hvað maður gat nú verið mikill unglingur.

Í

[Úlfhildur Flosadóttir, 3.8.2007 kl. 15:06]

Ég meina bara hvenær notar maður orð eins og himpigimpi?